Rab Wilson's charming cameo is included in The Smeddum Test:

21st-Century Poems in Scots, drawn from 10 years of the McCash Scots Poetry Competition, run jointly by The Herald and Glasgow University. (The anthology is published by Kennedy and Boyd; £7, or £10 includingUK postage, from the Oswald Street Bookshop,27 Oswald Street, Glasgow, G1 4PE).

DUMFOUNERT WI WUNNER

They taen the Kelloholm weans doun the street,

Twa, three wee anes frae the Nursery Schuil,

A jaunt tae the shops, social learnin skills,

Wi mebbes ice-cream thrown in fir a treat.

Ower the brig, across the swollen Nith,

'Keep in you pair, mind haud each ither's hauns!'

Wide-eyed the weans tak in the warld's oan-gauns;

Ane spys some men wha're thrang up oan a ruif,

An innocently daels her Joker caird,

Lik a fledglin bird bent oan kenning why,

She luiks up an she speirs 'Miss, whit's gaun oan?'

Distrackitly, her teacher maks repone:

'Ah dout they must be pittin up the "SKY".'

Dumfounert wi wunner, the wean juist stared.