Did Burns invent that splendid designation "the unco guid"?

Whether or not, he lays into them with fine satirical wit.

from ADDRESS TO THE UNCO GUID, OR THE RIGIDLY RIGHTEOUS

O ye wha are sae guid yoursel,

Sae pious an sae holy,

Ye've nought to do but mark

and tell

Your Neebours' fauts and folly!

Whase life is ike a weel-gaun mill,

Supply'd wi' store o' water,

The heaped happer's ebbing still,

And still the clap plays clatter.

Think, when your castigated pulse

Gies now and them a wallop,

What ragings must his veins

convulse,

That still eternal gallop:

Wi' wind and tide fair i' your tail,

Right on ye scud your sea-way;

But, in the teeth o' baith to sail,

It maks an unco leeway.

Ye high, exalted, virtuous Dames

Ty'd up in godly laces,

Before ye gie poor frailty names,

Suppose a change o' cases;

A dear-loved lad, convenience

snug,

A treacherous inclination -

But, let me whisper i' your lug,

Ye're aiblins nae temptation.

Then gently scan your brother Man,

Still gentler sister Woman;

Tho' they may gang a kennin

wrang,

To step aside is human:

One point must still be greatly dark,

The moving Why they do it;

And just as lamely can ye mark,

How far perhaps they rue it.